Speeches 

"I roto i te hainatanga o te Whakaritenga Whitiwhiti Kōrero, e tautoko ana te Karauna i hapa ia ki te whakatutuki i āna herenga Tiriti ki a Ngai Tūhoe. Ko te hītori a Ngai Tūhoe he hītori o te ngāwari, o te pakari me te whakahīhī. Engari he hītori hinapouri anō; he hītori o te noho tūkino, te murunga whenua, me te hapa o te tiaki oranga pai."

I runga i ngā mahinga a te Karauna, kua pāngia a NgaiTūhoe ki te pōhara, ki te kore kai, me te noho mawehe rawa atu. I whakamārama kahatia tēnei hītori ki ngā nohanga a Te Rōpū Whakamana i te Tiriti o Waitangi ki Te Urewera."

 "Kua neke mātou ināianei ki te wāhanga whakawhitiwhiti kōrero whai mana, i konei kua tīmata ngā mahi uaua - te whakawhitiwhiti kōrero mō tētahi mōkihi whakataunga e rite ana ki ngā hiahia a Ngai Tūhoe me te Karauna."

 "I runga i te hōhonutanga o ngā take nei, ka roa tonu ngā whakawhitinga kōrero. Engari kei te piripono ngā rōpū e rua, ki te whakatutuki i tētahi Whakaaetanga Ā-kaupapa i mua o te kotahi tau atu i tēnei hainatanga, tēnei mahi manako nui kei mua i a mātou, ēngari ka taea."

 "Ka whakamihi ahau ki a Ngai Tūhoe kua tae nei ki tēnei wāhanga o roto i ngā whakahaere whakataunga, me te titiro whakamua kia kite i a rātou e ahu pai ana ki roto i ngā whakaritenga." 

• OUR MPs | 
• FEATURES | 
• LATEST NEWS | 
• SPEECHES | 
• PORTFOLIOS | 
• POLICY | 
• MULTIMEDIA | 
• SEARCH | 
• CONTACT US