News 

Ua fa’alauiloa e le Minista o Soifua Maloloina Hon David Cuniliffe fa’apea le Minista o Tagata Atumotu o le Pasifika Hon Lumanuvao Winnie Laban o le Paketi 2008 o lo’o fa’aauau ai pea le vaai mamao a le malo ina ia fa’atupulaia pea ma lagolagoina le soifua manuia, ma le soifua atia’e o tagata Pasifika i totonu o Niu Sila.

Saunoa le Minista o Soifua Maloloina Hon David Cuniliffe “O lo’o vaai le malo i le telē o le sao o tagata pasifika o lo’o galulue i matāta tau soifua maloloina mo tatou tagata pasifika po’o Pacific Health providers, o lea ua iai le fuafuaga a le malo ina ia tu’uina atu le sefulu tesi ma le fa miliona ($10.4 million) mo le fa tausaga o lo’o lumana’i ina ia lagolagoina le fa’atupulaia ma atina’eina o nei galuega mo tagata pasifika. O lea tupe o le a fa’aaogaina mo le fa’avaeina o ni polokalame mo le soifua maloloina e fa’asino tonu i tupulaga, auā e tāua lea tulaga mo le lumana’i manuia o tatou fanau aemaise le lautele o tagata pasifika o lo’o aumau i Niu Sila

Saunoa le Minista o Tagata Atumotu o le Pasifika Hon Luamanuvao Winnie Laban “O lo’o fa’atāuaina e le malo le soifua maloloina o tatou tupulaga, auā o tatou alo ma fanau o le lumana’i lea mo a taeao.

Ua fa’apea foi ona tuuina atu e le malo i le ofisa o le Matāgaluega mo tagata atumotu o le Pasifika mo le tausaga fa’aletupe 2008/2009 ma le 2009/2010 se vaega tupe e tusa ma le lua selau afe tala ($200,000) ina ia fa’alauiloa i tagata Pasifika le polokalame a le malo mo le atina’eina o le silafia i galuega eseese mo tagata lautele, atoa ai foi ma le feutagaina ma falefaigaluega eseese ina ia mafai ona o’o tatou tagata i nei falefaigaluega e vaai ma a’oa’o i matātā eseese po’o le Modern Apprenticeships.

Ua tu’uina atu e le malo le tasi tesi ma le tolu miliona ($1.3 million) i le ofisa o le Matagaluega o Tagata Atumotu o le Pasifika mo le 2007/08 ona fa’aopopo laia o leisi tasi tesi ma le tolu miliona ($1.3million) mo le fa tausaga o lumana’i mo le fa’afoeina o galuega i totonu o le matāgaluega po’o operating costs, ua fa’apea foi ona tu’uina atu le lua selau iva sefulu afe ($290,000) mo le tausaga fa’aletupe 2008/2009 mo le fa’atauina o aseta mo le matāgaluega po’o capital funding.

Saunoa Minista Hon Cuniliffe ma le afioga i le Minista Hon Luamanuvao Winnie Laban “O le fa’amoemoe o le malo o nei tupe o le a fesoasoani tele mo galuega fai a tagata pasifika mo le manuia o lenei atunu’u o Niu Sila o tatou nonofo ma aumau ai.

• OUR MPs | 
• FEATURES | 
• LATEST NEWS | 
• SPEECHES | 
• PORTFOLIOS | 
• POLICY | 
• MULTIMEDIA | 
• SEARCH | 
• CONTACT US